Áramótaannáll fyrir árið 2008.
Árið 2008 var merkilegt á marga vegu, en einhvern veginn grunar mig að ég eigi eftir að rita um fyllerí mestmegnis. Í ársbyrjun var ég að vinna á Hótel Loftleiðum og í Vínbúðinni og átti ég svosem ekki eftir að endast þar lengi, en það var ágætis vitleysa á meðan það entist.
Eftir að hafa unnið á áramótunum og á nýársfögnuði fræga fólksins á Loftleiðum þar sem ég hitti meðal annars Quintin Tarantino og Eli Roth og spjallaði aðeins við þá, þá fannst mér greinilega kærkomið að fá mér í glas á einhverjum tímapunkti í mánuðinum sem endaði með einhverja blackout fylleríi á Hressó.
Í Febrúar var haldið eitthvað fyndnasta búningapartý sem sögur fara af á Freyjugötunni á Króknum heima hjá Jóni Hauki og co. Það var lagður mikill metnaður í búningana þetta árið og sjálfur fór ég klæddur sem einhvers konar samsuða af Marilyn Manson og stelpunni úr The Ring. Búningur kvöldsins var án efa búingur Adda Pé, þ.e , seinni búningur hans þetta kvöld, eða hinn frábæri Awesome-o búningur, sem átti eftir að gera mikla lukku .. þó svo að það hafi endað með því að ég stórslaðist á nefi eftir eitthvað högg frá Sabbó. Gott kvöld engu að síður.
Í febrúar kom einhver hræðileg helgi á hótelinu og eftir hana var ákveðið að skella sér til Amsterdam, því ég gat nýtt mér starfsmannaverð Icelandair og skelltum við Andri okkur til höfuðborgar Hollands og er ekki hægt að segja annað en að sú ferð hafi verið skrautleg. Ferðin var reyndar tekin upp á video en það video verður víst aldrei sýnt almenningi til að vernda saklausar sálir og það litla orðspor sem við eigum eftir.
Í mars sagði ég upp á Hótel Loftleiðum, enda búinn að fá mig fullsaddann á eintómum næturvinnum og lélegu kaupi og byrjaði ég í lok mánaðarins hjá Reiknistofu Bankanna og er ég ennþá þann dag þar og líkar vel. Í mars mánuði spilaði dúettinn „Nigga Beinteins“ á barnum , en hann samanstendur af mér og Helga Sæmundi og er ég alveg viss um að við eigum eftir að endurtaka þennan leik aftur. Ég byrjaði í einhverri gervi-megrun í mars mánuði sem átti ekki eftir að endast lengi.
Í aprílmánuði var barátta Hillary Clinton og Barack Obama mér ofarlega í huga, samkvæmt blogginu , en einnig voru mótmæli vörubílstjóra einni í deiglunni , en annars var maður bara alltaf upptekinn við að vinna og vera duglegur á nýja vinnustaðnum.
Í maí spilaði ég í Féló fyrir krakkana og var eitthvað smávegis á Króknum , eða réttara sagt í enda apríl/byrjun maí. Laugardagurinn 24.maí fer einnig í sögubækurnar sem sá dagur þegar eitt mesta rústpartý sem hefur verið haldið í Kópavoginum , var haldið í Kjarrhólma 24 og ég er ekki frá því að fólk hafi verið svakalega andsetið.
Sumarið í heildina fór í alveg hræðileg fyllerí , þar sem ber helst að nefna eina skiptið sem grillið mitt var notað og Silja drapst í sófanum og þegar við httum Írana niður í bæ og buðum þeim með okkur heim... einnig líka þegar Jón Haukur og Silja reyndu að ræna dvergi með okkur heim. Sumarið fór líka í ógeðslegt mataræði og ég er kannski að ýkja svolítið þegar ég segi að það hafi verið ruslfæði og pizzur meiri hluta daganna í vikunni og hollustan var látin fjúka fyrir óhollustuna og áfengið. Þannig að maður hafði það gott um sumarið.
Fór einnig á leiðinlegt ættarmót og spilaði á Acoustic Melodica Festival á Café Rosenberg sem var alveg fáránlega skemmtileg lífsreynsla og fékk ég Egil og Davíð Jóns, félaga mína, til að spila með mér á þeim tónleikum og heppnaðist það frábærlega , þrátt fyrir smá tæknivandamál í lokin á tónleikunum... rokk og ról.
Um veturinn var farið í tvær sumarbústaðaferðir sem voru báðar alger snilld en hlýtur þó seinni ferðin að standa upp úr, hvað varðar myndirnar og bullið sem átti sér stað.
En í október kom að vendipunkti í lífi mínu þegar ég ákvað að skella mér í Fjarþjálfun hjá Gillz og árangurinn lét ekki á sér standa. Reyndar var ég byrjaður að byrja í hollustunni í ágúst/september og þegar þetta er skrifað eru rúmlega 26 kg fokin af og allavega alveg 10-15 kg eftir í baráttunni við aukakílóin.
Jólin voru róleg og var ég að vinna öll jólin sem og um áramótin og bíð ég bara eftir nýju ári sem mun nú byrja strax á merkilegum atburði því ég ákvað að skrá mig í Idolið og verður forvitnilegt að sjá hvað kemur út úr því ... maður á náttúrulega engan séns í Aron Pálma ,samkvæmt honum , en já ... þetta verður skondið.
Þið takið kannski eftir því að ég fer ekkert út í smáatriði á fylleríum og ástarlífið hjá manni ... en ég ætla að sleppa því í þessum annál , því það eru spennandi tímar framundan í þeim efnum ... ekki spurning.
Ég vil enda þetta á því að óska ykkur góðs Kreppuárs 2009 og vonast ég til að geta hitt ykkur sem flest og oftast.
Kær kveðja.
Binni.
P.s – Skoðanakönnunin er að renna út eftir 2 daga , þannig að þið verðið að gefa ykkar uppáhalds nafni ykkar atkvæði.